الحب قول ويصعب على البشر الفعل تعالوا شوفو حجج المحبين

السلام عليكم ورحمة الله وبركاته

بسم الله الرحمن الرحيم

الحب قول ويصعب على البشر الفعل

كثير من الشباب بنات وأولاد يودون أن يعيشوا الحب ويرتبطون بتاج الزواج ناتج حبهم العظيم ولكن

كم هي نسبة الحب التي يتوجها الزواج فقد سمعت وقرأت ورأيت العديد من قصص الحب وسمعت

مبررات كثيرة وقرأت حججا أكثر .. فأجد الولد يحب الفتاة سنه وفي السنة القادمة تسأله يقول

اختلفنا أو موش التيب بتاعي وتسأل البنت تقولك موش في نصيب وموش

لقيته اللي بتمناه طيب المده دي كلها عبارة عن إيه تسالي لب سوبر وسوداني ولا إيه

وآه لو كملوا شويه وعدت السنه تظهر كلمات وجمل تقف عائق للحب البنت تقول معلش يا حبيبي

موش هقدر أكمل معاك وربنا يسعدك لأن أهلي موش موافقين وبيقولوا ده لعب عيال وإنك موش

هتعرف تحقق احلامي ... أو تقول أهلي غاصبين عليا اتجوز العريس المتقدم ولأنه جاهز ومناسب

موش عارفه أطلع فيه القطط الفطسانه طيب يا حاجه قولتي للولد بحبك ليه خلتيه يتعلق بيكي ليه

وهمتيه بدنيا ترسميها معاه ليه بقيتوا مع بعض كيان واحد وفكر واحد ورأي واحد وبعد كده قلتي أنا

لسه هبني ما الجاهز أحسن ما كان م الأول هو موش أجبرك تقولي بحبك ولا قولتي تعيشي القصة

وتجربي وموش خسرانه حاجه حرام عليكي مسيرك هتكوني أم لولد ولبنت وموش هتحسي بده غي

ر لما تشوفي المشكلة من بره ولأقرب الناس ليكي .

ده بالنسبة للبنت طيب نيجي بقى للجان لروميو الجامعه او المنطقة او الشغل او أي مكان

كان نفسه البنت تحس بيه وعمل المستحيل عشان يوصلها ولما حست بيه لالا حبيبتي انا زهقت

موش قادر اكمل .. أو حبيبتي إنتي موش بتحبيني وموش بتعملي كل اللي بطلبه منك أيا كان نوع

الطلب بقى ولكم أن تتخيلوه بأنفسكم .. أو موش عارف ليه يا حبيبتي أنا خايف أظلمك معايا وحاسس

إن لسه أدامي مشوار كبير أوي على ما أشيل مسئولية الزواج وأهلك هيرفضوا وعشان بحبك

هضحي بحبي عشان أسعدك يا قلبي وشاو ومع السلامه

طيب وعدك ليها وكلمة بحبك وكلمة إني بتمناكي زوجة لي أدام ربنا وأدام الناس وأم أولادي

مشاعرك اللي بتقول لها إنها غاليه عليك وبتحبها اوي وكل الكلام ده إيه كانت أغنية وبتجرب صوتك

فيها ولا إيه

خوفك عليها إنها حاجه تخصك ولحمك اللي تخاف عليه وإنها تعتبرك أب وأم وزوج واخ وصديق

وحبيب كل ده وتقولها معلش مختلفين او لسه أدامي بدري

ليه إن شاء الله موش عرفت الكلام ده كله وإنك موش أد ارتباط غير بعد ما علقتها بيك ليه تخدعها

ليه تكسر قلبها وتحسسها إنها كائن ليه له قيمة وإنك وقت ما تحب تبعدها عنك وتشيلها من طريقك

هتسيبها وكل سهولة وتسمعها بقى مالا يقدر عليه أي قلب احتماله

وإني موش ضربتك على إيدك تعرفيني أو بلغة الشباب تمشي معايا

ليه بنألم ونجرح قلوب بتحبنا بجد .. ليه بنضيع قلب جمبنا وراعى ربنا فينا ونفسه يكمل معانا ..

عايزة أقول افتكروا إن الله يراك في كل وقت ويعلم ما تخفيه الصدور وما تعلنه فاتقوا الله

ولا تنسوا أنه كما تدين تدان

بس برده نفسي أعرف لييييييه بنعمل كده في بعض

انا فى نظرى ان الحب يجوز يكون لسه موجود بس مش حب الافلام اللى
بنشوفه دا خالص دى اوهام الاعلام بيعيشنا فيها

الحب معناها ارتباط

ودا مفهومة عندى غير
كدا يبقى لعب وتهريج

والمفروض ان احنا نحكم
عقلنا اكبر من قلبنا عشان اختيارنا وقررنا يطلع سليم

والاهل على فكرة وجهة
نظرهم بتبقى صح والمفروض نحترمها لانهم شايفين الامور بنظرة غير نظرتنا خالص

يعني انا من رايي ان الشاب قبل ما يبدأ حاجه زي دي يفكر
الاول هل هو هيقدر يرتبط بالبنت دي ولو مش حاليا ولكن هل هو مخطط فعلا للارتباط ؟
هل الظروف المحيطه تسمح له بانهاء هذا الحب بالزواج؟؟

يعني لازم يفكر اولا يعني القلب لازم يخضع للعقل

تسلم اناملك امونة على الموضوع الاكثر من رائع
بتمنالك التوفيك في حياتك
لا تحرمينا ابداعاتك
لك تحياتي

» مشكلة حب عن طريق النت تعالوا وشاركونا ارائكم
» هل يخضع الحب للظروف ؟؟
» فى حد يعرف الحب اعمى لية
» محاضرة عمرو خالد عن الحب
» كيفية التخلص من الحب وبقع السوداء بالجسم